காகிதப் பூக்கள் நாம்...!

காகிதப் பூக்கள் நாம்...!

கலைந்த பறவைகளின் காதல் இது..!
சில காதல் பூக்கள்
கல்லறையில் விழுவதற்கே பூக்கின்றன..

இவை கல்லறைப் பூக்கள் தான்..
ஆனாலும் காகிதப் பூக்கள்..
வாடிப் போகவும் முடியாமல்
கூடிச் சேரவும் முடியாமல்
காலத்தின் கயிறை
காலனின் கயிறாய்
கழுத்தில் ஏந்திய காதலிது..!
சில சந்திப்புக்கள்
காதலில் சங்கமமாகின்றன..
சில சந்திப்புக்கள்
காதலுக்கு கருவூட்டுகின்றன..
காதல்கள் கருவறையில் பிறப்பதுமில்லை..
கல்லறைகள் காதலைப் பிரிப்பதுமில்லை...
காதலின் கட்டளைக்கு அடிபணிந்தோம் நாம்..!
ஆனால்
காலத்தின் கட்டளையோ வேறாக இருக்கிறது..
காதல்கள்
கல்யாணத்தில் முடிவதை விட
கண்ணீரிலே முடிவதே அதிகம்..
காதலின் அகராதியில் நாமும்
காகிதப் பூக்கள் தான்..
ஒரு நாளும் பூஜைக்கு போகாது...!!

-இன்ஷிராஹ் இக்பால்-